ഹിഡിംബ ക്ഷേത്രം -മനാലി,ഹിമാലയം
•••••••••••••••••••••••••••••••••••••••••••
ഹിമാചൽ പ്രദേശിൽ മണാലിയിലെ കുളു ജില്ലയിലാണ് ഹിഡിംബ ക്ഷേത്രം.. ഹിമാലയൻ താഴ്വരകളിലെ നിബിഡ വനത്തിനു നടുക്കാണ് ഹിഡിംബ തപസ്സു ചെയ്ത ഗുഹ. ദുഗിരി എന്നും ഈ പ്രദേശം അറിയപ്പെടുന്നു. ദേവി ഹിഡിംബയുടെ കാല്പാദം പതിഞ്ഞ ശിലയാണ് ഈ ക്ഷേത്രത്തിൽ ആരാധിക്കുന്നത്.
കഥ
.......
അരക്കില്ലത്തിൽ നിന്നും രക്ഷപെട്ട പാണ്ഡവർ വനാന്തരങ്ങളിൽ അലഞ്ഞു നടന്നു. അവിടെ കാട്ടിനുള്ളിൽ താമസിച്ചിരുന്ന അതിശക്തനായ രാക്ഷസൻ ഹിഡിംബന്റെ സഹോദരി ഹിഡിംബ പാണ്ഡവരിൽ രണ്ടാമനായ ഭീമനെ പ്രണയിച്ചു. വിവാഹ അഭ്യർത്ഥന നടത്തി. അപ്പോഴേക്കും ഹിഡിംബൻ പാണ്ഡവരെ കൊല്ലാൻ അടുക്കുകയും ഘോര യുദ്ധത്തിന് ശേഷം ഭീമൻ ഹിഡിംബനെ വധിക്കുകയും ചെയ്തു.
മാതാവായ കുന്തിയുടെ നിർദ്ദേശം അനുസരിച്ചു ഭീമൻ ഹിഡിംബയെ വിവാഹം കഴിച്ചു. അവർക്ക് ജനിച്ച പുത്രനാണ് ധീരനായ ഘടോത്കചൻ. പാണ്ഡവർ നാട്ടിലേക്കു പോയപ്പോൾ ഹിഡിംബ അവർക്കൊപ്പം പോയില്ല.. കാട്ടിൽ ഒരു ഗുഹയിൽ തപസ്സു ചെയ്തു.
അങ്ങനെ ഹിഡിംബ തപസ്സിൽ നിന്നും ശക്തി നേടി ദേവി തുല്യയായി തീർന്നു. ദേവി തപസ്സു ചെയ്തിരുന്ന ശിലയാണ് ക്ഷേത്രത്തിലെ പ്രതിഷ്ഠ.
ആദ്യകാലത്തു ദേവിയുടെ ശിഷ്യർ കാട്ടിൽ പണിത ക്ഷേത്രം.. പുനർ നിർമ്മിച്ചതു AD 1553-ൽ രാജ ബഹാദൂർ സിംഗ് ആണ്
മരത്തടിയിൽ ആണ് ഈമനോഹരക്ഷേത്രം പണിതിരിക്കുന്നത്
No comments:
Post a Comment