ഭക്തിയുടെ മഹത്വം
▪▪▪🔹▪▪▪
ഒരിക്കല്‍ ഒരുമഹാത്മാവ് അമ്പലത്തില്‍ തൊഴുതു മടങ്ങുമ്പോള്‍ ആല്‍ത്തറയില്‍ ഇരുന്നു ഒരാൾ ഭഗവത്‌ഗീത വായിക്കുന്നത് കേള്‍ക്കാന്‍ ഇടയായി . അദ്ദേഹം വായിക്കുന്നതെല്ലാം തെറ്റായിരുന്നു.അതുകേട്ട പ്പോള്‍ ഈ മഹാത്മാവിന് സഹിച്ചില്ല. ഇത്രക്കും മഹത്തരവും പവിത്രവുമായ ഗീത അര്‍ത്ഥമറിയാതെ വെറുതെ തോന്നിയതു പോലെ കൈകാര്യം ചെയ്യുകയോ? വേഗംതന്നെ അദ്ദേഹം ഗീത വായിക്കുന്ന ആളുടെ അടുത്ത് ചെന്നു . ഇങ്ങിനെ തെറ്റായി വായിക്കരുതെന്ന്ഉപദേശിക്കുകയായിരുന്നു ലക്‌ഷ്യം . എന്നാല്‍ വായനക്കാരന്‍റെ മുഖത്ത് നോക്കിയപ്പോള്‍ ഒന്നും തന്നെ പറയാന്‍ തോന്നിയില്ല. വായിക്കുന്നതിനിടയില്‍ ഈ മഹാത്മാവ് വന്നതൊന്നും വനയക്കാരന്‍ അറിഞ്ഞില്ല. ആ കണ്ണുകള്‍ ഇടക്കിടെ നിറഞ്ഞൊഴുകുന്നുണ്ടായിരുന്നു. തെറ്റൊടുകൂടിയ വായന അസഹ്യമെങ്കിലും അത് തീരുന്നതുവരെ കാത്തിരിക്കാന്‍ ആ മഹാത്മാവ് തീരുമാനിച്ചു, വായന തീര്‍ന്ന വായനക്കാരന്‍ സാഷ്ടാംഗപ്രണാമം ചെയ്തു എണീറ്റപ്പോള്‍ ഈ മഹാത്മാവിനെ കണ്ടു. ഹരേഃകൃഷ്ണാ ഞാന്‍ എത്ര ഭാഗ്യം ചെയ്തവനാണ്. ഈമഹത്സംഗം സാധ്യമായല്ലോ എന്നുപറഞ്ഞു ആ മഹാത്മാവിനെ നമസ്കരിച്ചു. അദ്ദേഹം ആ സാധുവിനോട് പറഞ്ഞു ," ഞാന്‍ അല്പസമായമായി ഇവിടെ വന്നിട്ട് . താങ്കള്‍ എന്താണ് വായിച്ചു കൊണ്ടിരുന്നത?" അയാള്‍ വിനയത്തോടെ പറഞ്ഞു,"അറിയില്ല" മഹാത്മാവ്- അങ്ങ് വായിച്ചത് ഗീതയാണ്, പക്ഷെ അത് മുഴുവന്‍ തെറ്റായാണ് വായിച്ചത്, എന്താണെന്നു പോലും അറിയാതെ ഇങ്ങിനെ തെറ്റി വായിക്കുന്നത് എന്തിനാണ്? സാധു- എനിക്ക് അതൊന്നും അറിയില്ല. ഇന്നു രാവിലെ ഒരു പരമ ഭക്തനായ സന്യാസി ഈ അമ്പലത്തില്‍ വന്ന് ഈ ഗ്രന്ഥം വായിക്കുന്നത് ഞാന്‍ കേട്ടു. എനിക്ക് ഒന്നും തന്നെ മനസ്സിലായില്ല എങ്കിലും എന്‍റെ ഉള്ളില്‍ അതിയായ ആനന്ദം ഉണ്ടായി. എന്‍റെ കണ്ണുകള്‍ നിറഞ്ഞൊഴുകി . അദ്ദേഹം പോകാന്‍ തുടങ്ങിയപ്പോള്‍ ഞാന്‍ ചോദിച്ചു അങ്ങ് വായിച്ചത് എന്താണെന്ന്? വാത്സല്യത്തോടെ അദ്ദേഹം പറഞ്ഞു,"കുഞ്ഞേ ഒരിക്കല്‍ യുദ്ധത്തിനിടയില്‍ അര്‍ജജുനന്‍ തളര്‍ന്നിരുന്നപ്പോള്‍ സാക്ഷാല്‍ ശ്രീകൃഷ്ണഭഗവാന്‍ അര്‍ജജുനനോടു പറഞ്ഞ വാക്കുകളാണ് ഇതെല്ലാം ". അതിനു ശേഷം അദ്ദേഹം പോകാന്‍ തുടങ്ങിയപ്പോള്‍ എന്നെ അടുത്ത് വിളിച്ചു ഈ ഗ്രന്ഥം എനിക്ക് തന്നു. എന്‍റെ പരമഭാഗ്യമെന്നു ഞാന്‍ കരുതി. ഇപ്പോള്‍ത്തന്നെഈ ഗ്രന്ഥം വായിക്കാന്‍ തുടങ്ങി . എന്‍റെ അവിവേകാമോ അക്ഷമയോ എന്നറിയില്ല ഗ്രന്ഥത്തിന്‍റെ പേരുപോലും നോക്കാതെയാണ്‌ വയിക്കനിരുന്നത്. വായിച്ചതെല്ലാം തെറ്റോ ശരിയോ എന്നറിയില്ല. ഇതു എന്‍റെ കൃഷ്ണന്‍റെ വാക്കുകളാണ്. ഞാന്‍ ഇതു വായിക്കുമ്പോള്‍ഓരോരോ അക്ഷരത്തിലും പാര്‍ത്ഥസാരഥിയായ എന്‍റെ കൃഷ്ണനെ മാത്രമേ കണ്ടുള്ളൂ, മറ്റൊന്നും തന്നെ. എനിക്കറിയില്ല." പരമഭക്തനായ ആ സാധുവിന്‍റെ വാക്കുകള്‍ കേട്ടപ്പോള്‍ മഹാത്മാവ് പരമഭക്തിക്ക് മുന്‍പില്‍ സാഷ്ടംഗം നമിച്ചു.🙏🏻
ഹരേകൃഷ്ണാ
No comments:
Post a Comment